A música na Paz

Semana cargadiña de actividades na que a música foi a gran protagonista. A nosa canción "Todos somos capitáns" en lingua de signos de Magín Blanco abriu as portas á imaxinación.

Entre todos elaboramos a letra da canción con pictogramas. Repartimos as distintas estrofas por cursos.
O mestre Paco elaborou un fermoso vídeo cos pictogramas feitos polo seu alumnado de 6º E.P.

Entre todos tamén fixemos un mural cos distintos pictogramas. Imaxe a imaxe, palabra a palabra...fomos construíndo a canción.

Na clase de música, coa profe María José, aprendemos a canción en lingua de signos. 

E así celebramos o martes, 30 de xaneiro, o Día Mundial da Paz.